تیز رفتاری سے گاڑیوں کے درمیان زگ زیگ چلنا خطرناک قرار

ٹریفک پولیس نے تیز رفتاری سے گاڑیوں کے درمیان زگ زیگ چلنے کے خطرات سے خبردار کیا ہے اور کہا ہے کہ اس طرح کا رویہ سڑکوں پر حادثات کے امکانات میں اضافہ کرتا ہے۔

زگ زیگ چلنے پر جرمانہ

ٹریفک پولیس نے ایکس پلیٹ فارم پر وضاحت کی ہے کہ تیز رفتاری سے گاڑیوں کے درمیان زگ زیگ چلنا ایک ٹریفک خلاف ورزی ہے، جس پر مالی جرمانہ 3,000 سے 6,000 سعودی ریال تک ہو سکتا ہے۔

ایکس پر مکمل ٹویٹ دیکھیں

ٹریفک اشارے

ٹریفک پولیس نے ٹریفک اشاروں کی اہم اقسام کی وضاحت کرتے ہوئے کہا ہے کہ ان کی پابندی ڈرائیور اور دیگر سڑک استعمال کرنے والوں کی حفاظت کو یقینی بناتی ہے۔

وضاحت کے مطابق ٹریفک اشاروں کی چار بنیادی اقسام ہیں:

اول: انتباہی اشارے، جو ڈرائیوروں کو سڑک پر ممکنہ خطرات جیسے پھسلن، راستے کی تنگی، چڑھائی یا اسپیڈ بریکرز سے آگاہ کرتے ہیں۔

دوم: ضابطہ جاتی اشارے، جو لازمی قواعد و ضوابط کی نشاندہی کرتے ہیں، جیسے یوٹرن پر پابندی، زیادہ سے زیادہ رفتار کی حد اور مخصوص لینز کی تخصیص۔

سوم: رہنمائی اشارے، جو خدمات اور مقامات کی معلومات فراہم کرتے ہیں، جیسے ہلال احمر کے مراکز، پیٹرول پمپس اور سرنگیں۔

چہارم: ورک زون اور عارضی اشارے، جو سڑک کی مرمت یا کام کے علاقوں میں ڈرائیوروں کو خبردار کرتے اور ٹریفک کی رہنمائی کرتے ہیں۔

ڈرائیونگ میں سستی بھی خلاف ورزی

سعودی ٹریفک پولیس نے واضح کیا ہے کہ ڈرائیونگ کے دوران غیر ضروری سستی اور کم رفتار سے گاڑی چلانا، جس سے ٹریفک کی روانی متاثر ہو، ایک خلاف ورزی ہے۔

ٹریفک پولیس کے مطابق، سڑک پر اس طرح کی سست رفتاری جس سے ٹریفک کی روانی میں رکاوٹ آئے، ٹریفک خلاف ورزی شمار ہوتی ہے اور اس پر 300 سے 500 سعودی ریال تک جرمانہ عائد کیا جا سکتا ہے۔

ٹریفک پولیس نے ڈرائیوروں پر زور دیا ہے کہ وہ مناسب رفتار اور سڑک کی صورتحال کے مطابق گاڑی چلائیں اور ایسی ڈرائیونگ سے گریز کریں جس سے ٹریفک کی روانی متاثر ہو یا سڑک پر رکاوٹ پیدا ہو۔