سعودی اتحاد کی یمنی فوجیوں کی شہادت پر تعزیت، حکومت کی حمایت کا اعادہ

سعودی قیادت میں مشترکہ افواج کے اتحاد نے یمنی حکومت اور برادر یمنی عوام سے مأرب اور حضرموت میں حوثی ملیشیا کے بزدلانہ حملے میں یمنی مسلح افواج کے متعدد اہلکاروں کی شہادت پر دلی تعزیت اور ہمدردی کا اظہار کیا ہے۔

اتحاد برائے حمایتِ حکومتِ یمن کے ترجمان بریگیڈیئر جنرل ترکی المالکی نے کہا کہ مشترکہ افواج کی قیادت شہداء کے اہل خانہ اور عزیزوں سے مخلصانہ تعزیت اور ہمدردی پیش کرتی ہے اور زخمیوں کی جلد صحت یابی کے لیے دعاگو ہے۔

بریگیڈیئر جنرل المالکی نے اس موقع پر سعودی عرب اور اتحاد کے حکومتِ یمن اور برادر یمنی عوام کی حمایت کے پختہ عزم کو دہرایا اور کہا کہ وہ حوثی ملیشیا کی دہشت گردانہ کارروائیوں کا مقابلہ کرتے رہیں گے۔ انہوں نے اللہ تعالیٰ سے شہداء کی مغفرت اور زخمیوں کی صحت یابی کی دعا کی۔