گھرےلو ملازمین کی اقامہ تجدید ابشر پر پانچ مراحل میں

سعودی عرب میں محکمہ پاسپورٹ نے وضاحت کی ہے کہ گھریلو ملازمین کے لیے اقامہ (ہویة مقیم) کی تجدید ابشر پلیٹ فارم کے ذریعے آن لائن کی جا سکتی ہے، اس کے لیے پاسپورٹ دفاتر جانے کی ضرورت نہیں۔

محکمہ پاسپورٹ نے اپنے آفیشل ایکس اکاؤنٹ پر بتایا کہ یہ سہولت ابشر افراد پلیٹ فارم پر دستیاب ہے، جہاں مستفیدین اقامہ کی تجدید کے تمام مراحل الیکٹرانک طریقے سے مکمل کر سکتے ہیں۔

گھریلو ملازمین کے اقامہ کی تجدید کے مراحل

یہ خدمت حاصل کرنے اور اقامہ کی تجدید کے لیے درج ذیل مراحل اختیار کریں:

• ابشر پلیٹ فارم پر لاگ ان کریں۔

• ملازمین کا انتخاب کریں۔

• خدمات مقیمین میں جائیں۔

• جس ملازم کا اقامہ تجدید کرنا ہے اس کا انتخاب کریں۔

• اقامہ تجدید کی سروس منتخب کریں اور مطلوبہ کارروائی مکمل کریں۔

یہ سہولت وزارت داخلہ اور محکمہ پاسپورٹ کی جانب سے الیکٹرانک خدمات کے دائرہ کار کو وسعت دینے اور مقیمین و گھریلو ملازمین کے لیے معاملات کو تیز اور آسان بنانے کی کوششوں کا حصہ ہے۔