عراق کا مسلح گروہوں کو انتباہ: اسلحہ نہ دینے والوں پر دہشت گردی کا قانون لاگو ہوگا

عراق میں ائتلافِ انتظامِ ریاست نے ملک کی سرزمین کو ہمسایہ ممالک پر حملوں کے لیے استعمال کرنے کی سختی سے مخالفت کی ہے اور عراق کی خودمختاری اور علاقائی تعلقات کے احترام پر زور دیا ہے۔

ائتلاف کے جاری کردہ بیان میں کہا گیا ہے کہ اسلحہ صرف ریاست کے پاس ہونا سب سے بڑی ترجیح ہے تاکہ ملک کے اندرونی امن و استحکام کو یقینی بنایا جا سکے، اور یہ اقدام ریاستی اختیار کو مضبوط بنانے کے لیے بنیادی حیثیت رکھتا ہے۔

ائتلاف نے واضح کیا کہ جو بھی مسلح گروہ مقررہ مہلت کے بعد اسلحہ ریاست کے سپرد کرنے سے انکار کرے گا، اس کے خلاف ملک میں رائج انسداد دہشت گردی کے قانون کے تحت کارروائی کی جائے گی۔

اسی تناظر میں ائتلاف نے حکومت کی اس پالیسی کی حمایت کی ہے کہ قانون سے بالاتر مسلح تنظیموں کے خلاف سخت اقدامات جاری رکھے جائیں، تاکہ عراق میں امن اور ریاستی خودمختاری کو مستحکم کیا جا سکے۔