ٹرمپ کی یورپی یونین کو تجارتی اقدامات کی دھمکی

امریکی صدر ڈونلڈ ٹرمپ نے یورپی یونین کے خلاف سخت اقدامات کرنے کا اعلان کیا ہے، جو حال ہی میں گوگل، ایپل، میٹا اور ایمازون جیسی بڑی امریکی ٹیکنالوجی کمپنیوں پر اربوں ڈالر کے جرمانے عائد کر چکی ہے۔

ٹرمپ نے واضح کیا کہ یورپی یونین نے حال ہی میں گوگل پر ایک ارب ڈالر کا نیا جرمانہ عائد کیا ہے، جس کے بعد کمپنی پر مجموعی جرمانے 18 ارب ڈالر سے تجاوز کر گئے ہیں۔ انہوں نے بتایا کہ یورپی یونین اس سے قبل ایپل پر 15 ارب ڈالر، میٹا پر 3 ارب ڈالر اور ایمازون پر 2.5 ارب ڈالر کے جرمانے لگا چکی ہے۔

امریکی صدر نے مزید کہا کہ یہ اقدامات ان کی انتظامیہ کے پہلے سال سے بڑے پیمانے پر شروع ہوئے تھے، تاہم انہوں نے اس عزم کا اظہار کیا کہ مستقبل میں یہ سلسلہ جاری نہیں رہے گا اور امریکہ کو یورپ کا "صندوق" نہیں بننے دیا جائے گا۔

اسی تناظر میں، ٹرمپ نے فوری طور پر آرٹیکل 301 کے تحت تحقیقات شروع کرنے کا اعلان کیا ہے، جس میں انہوں نے امریکی کمپنیوں اور ٹیکس دہندگان کے "استحصال" کا ذکر کیا اور یورپی یونین کو پابندیاں ختم کرنے اور جلد بڑی تجارتی محصولات عائد کرنے کی دھمکی دی۔

واضح رہے کہ یورپی یونین اس سے قبل بھی امریکی ٹیکنالوجی کمپنیوں پر مسابقت اور ڈیٹا تحفظ کے قوانین کی خلاف ورزی کے الزام میں بھاری جرمانے عائد کر چکی ہے، تاہم امریکہ ان اقدامات کو امتیازی قرار دیتا ہے اور مسترد کرتا ہے۔