گاڑیوں کے دھوئیں کے اخراج پر جرمانہ 900 ریال تک ہوسکتا ہے

سعودی محکمہ ٹریفک نے گاڑیوں کے دھوئیں کے اخراج کے خطرات سے خبردار کیا ہے اور کہا ہے کہ یہ ماحولیاتی آلودگی کا باعث بنتا ہے اور ایک قابل سزا ٹریفک خلاف ورزی ہے۔

محکمہ ٹریفک نے اپنے سرکاری ایکس اکاؤنٹ پر جاری بیان میں واضح کیا کہ اس خلاف ورزی پر مالی جرمانہ 500 سے 900 سعودی ریال کے درمیان ہے۔

گاڑی چلانے والوں پر زور دیا گیا ہے کہ وہ گاڑیوں کی حفاظت اور اخراج میں کمی سے متعلق ہدایات پر عمل کریں تاکہ ماحول کی حفاظت اور سڑکوں پر سلامتی کو یقینی بنایا جا سکے۔

تغریر ایکس پر دیکھیں

ڈرائیونگ کے دوران اہم ہدایات

محکمہ ٹریفک نے اس سے قبل بھی تمام سڑکوں پر محتاط ڈرائیونگ کی ضرورت پر زور دیا تھا۔

محکمہ نے ایکس پر مزید کہا کہ مقررہ رفتار کی پابندی، مناسب فاصلہ رکھنا اور ترجیحی حقوق دینا ضروری ہے۔

ہدایات میں یہ بھی شامل ہے کہ سمت یا لین تبدیل کرتے وقت اشاروں کا استعمال کیا جائے، توجہ اور ارتکاز برقرار رکھا جائے، راستے سے توجہ نہ ہٹائی جائے اور سڑک پر کسی بھی اچانک تبدیلی کی صورت میں وارننگ لائٹس کا استعمال کیا جائے۔

یہ اقدامات محکمہ ٹریفک کی جانب سے عوامی آگاہی کے لیے باقاعدہ جاری رہنے والی مہمات کا حصہ ہیں۔ اس سے قبل بھی محکمہ نے متنبہ کیا تھا کہ سڑک کے کندھے یا یوٹرن کے لیے مخصوص لین کا غلط استعمال ٹریفک خلاف ورزی ہے۔