مکہ اور مدینہ میں دھند، کئی علاقوں میں بارش کا امکان

آج بدھ 12 ربیع الثانی 1448 کو سعودی عرب میں موسم کی صورتحال کے مطابق، درمیانے سے شدید درجے کی گرج چمک کے ساتھ بارشوں کا سلسلہ جاری رہنے کا امکان ہے، جو سیلابی ریلوں کا سبب بن سکتی ہیں۔ اس دوران ژالہ باری اور گرد و غبار کے ساتھ تیز ہوائیں بھی چل سکتی ہیں، جو جازان، عسیر، الباحہ، مکہ مکرمہ اور مدینہ منورہ کے بعض حصوں کو متاثر کریں گی۔

مکہ مکرمہ، مدینہ منورہ اور مشرقی ریجن کے ساحلی علاقوں میں دھند بننے کا بھی امکان ہے۔

آج کا موسم

بحیرہ احمر کے حوالے سے پیش گوئی ہے کہ شمالی حصے میں سطحی ہوائیں شمال مغرب سے شمال کی سمت 12 سے 40 کلومیٹر فی گھنٹہ کی رفتار سے چلیں گی۔ درمیانی حصے میں ہوائیں شمال مغرب سے جنوب مغرب کی سمت ہوں گی، جو دوپہر کے بعد مغرب سے شمال مغرب کی طرف 12 سے 35 کلومیٹر فی گھنٹہ کی رفتار سے بدل جائیں گی۔ جنوبی حصے میں ہوائیں جنوب مشرق سے جنوب مغرب کی سمت ہوں گی، جو دوپہر کے بعد شمال مغرب سے شمال مشرق کی طرف 10 سے 32 کلومیٹر فی گھنٹہ کی رفتار سے چلیں گی، جبکہ گرج چمک کے ساتھ بارش کے دوران رفتار 50 کلومیٹر فی گھنٹہ سے بھی تجاوز کر سکتی ہے۔

سمندر میں لہریں آدھے میٹر سے ڈیڑھ میٹر تک بلند ہو سکتی ہیں، جبکہ جنوبی حصے میں گرج چمک کے ساتھ بارش کے دوران دو میٹر سے بھی زیادہ ہو سکتی ہیں۔