متحدہ عرب امارات کی سعودی تیل تنصیبات پر حملوں کی شدید مذمت

متحدہ عرب امارات نے مشرقی سعودی عرب میں تیل تنصیبات کو نشانہ بنانے کی غرض سے عراق سے آنے والے ڈرونز کے تازہ حملوں کی شدید ترین الفاظ میں مذمت کی ہے۔

اماراتی وزارت خارجہ نے اماراتی خبر رساں ایجنسی کے مطابق اپنے بیان میں کہا ہے کہ یہ حملے سعودی عرب کی خودمختاری کی صریح خلاف ورزی اور اس کے امن و استحکام کے لیے خطرہ ہیں۔

وزارت نے ایک بار پھر سعودی عرب کے ساتھ مکمل یکجہتی اور اس کے امن و استحکام کے تحفظ کے لیے ہر ممکن تعاون کے عزم کا اعادہ کیا۔