سعودی عرب میں مقیم غیر قانونی یمنی شہریوں کے لیے دستاویزات کی وضاحت

سعودی عرب میں محکمہ پاسپورٹ کے سرکاری ایکس اکاؤنٹ پر غیر قانونی طور پر مقیم یمنی شہریوں کے حالات کی درستگی سے متعلق عام سوالات کے جوابات دیے گئے ہیں، جو درج ذیل ہیں:

میری اقامہ مدت ختم ہو چکی ہے، اصلاح کے لیے کیا کرنا ہوگا؟

ایسے افراد اپنی خدمات کے ضرورت مند نئے کفیل کے پاس جا سکتے ہیں۔ اس کے لیے وزارت داخلہ اور وزارت افرادی قوت و سماجی بہبود کی ڈیجیٹل پلیٹ فارمز (ابشر، قوی برائے پیشہ ورانہ افرادی قوت، اور مساند برائے گھریلو ملازمین) کے ذریعے کارروائی کی جا سکتی ہے۔ اس کے لیے ضروری ہے کہ یمنی پاسپورٹ کارآمد ہو اور میڈیکل ٹیسٹ موجود ہو۔ کسی دفتر جانے کی ضرورت نہیں۔

میرے خلاف فرار کی رپورٹ درج ہے، اصلاح کیسے ہوگی؟

ایسے افراد کے لیے پہلے فرار کی رپورٹ منسوخ کی جائے گی اور پھر خدمات نئے ضرورت مند کفیل کو منتقل ہوں گی۔ یہ کارروائی وزارت افرادی قوت و سماجی بہبود کے ڈیجیٹل پلیٹ فارمز (قوی برائے پیشہ ورانہ افرادی قوت، مساند برائے گھریلو ملازمین) کے ذریعے کی جا سکتی ہے، بشرطیکہ یمنی پاسپورٹ کارآمد ہو اور میڈیکل ٹیسٹ موجود ہو۔

ایسے یمنی شہری جو دستاویزات یا پاسپورٹ نہیں رکھتے، ان کے لیے کیا طریقہ ہے؟

1- یمنی شہریت ثابت کرنے والی دستاویزات پیش کرنا ہوں گی، جیسے پاسپورٹ یا سفارت خانے سے جاری سفری دستاویز۔

2- ابشر پلیٹ فارم پر جا کر اصلاح کے لیے مقام منتخب کریں اور مقررہ وقت پر وہاں حاضر ہوں۔

تغریر X پر دیکھیں

اصلاحی عمل سے فائدہ اٹھانے کے لیے کون سی دستاویزات درکار ہیں؟

1- جن یمنی شہریوں کی اقامہ مدت ختم ہو چکی ہو یا جو فرار کی رپورٹ میں ہوں: ان کے لیے کارآمد یمنی پاسپورٹ اور میڈیکل ٹیسٹ لازمی ہے۔ وہ اپنی اصلاحی کارروائی وزارت داخلہ اور وزارت افرادی قوت و سماجی بہبود کے ڈیجیٹل پلیٹ فارمز (ابشر، قوی برائے پیشہ ورانہ افرادی قوت، مساند برائے گھریلو ملازمین) کے ذریعے مکمل کر سکتے ہیں، کسی سرکاری دفتر جانے کی ضرورت نہیں۔

2- جن کے پاس زائر کارڈ یا مختلف اقسام کی وزٹ ویزا کی مدت ختم ہو چکی ہو اور ان کے بایومیٹرک کوائف سعودی نظام میں موجود ہوں، ان کی ویزا مدت نظام میں خودکار طور پر 6 ماہ کے لیے بڑھا دی جائے گی۔ اس کے لیے بھی کارآمد پاسپورٹ ضروری ہے اور جوازات کے دفاتر جانے کی ضرورت نہیں۔

3- جن کے پاس یمنی دستاویزات یا پاسپورٹ نہیں: وہ ابشر پلیٹ فارم پر جا کر اصلاحی مرکز منتخب کریں، وقت مقرر کریں اور وہاں حاضر ہوں، ساتھ ہی یمنی شہریت ثابت کرنے والی دستاویزات (پاسپورٹ یا سفارت خانے سے جاری سفری دستاویز) ساتھ لائیں۔