اقامہ نمبر جاننے کا طریقہ—جوازات کی وضاحت

سعودی محکمہ جوازات کے سرکاری اکاؤنٹ سے نئے غیرملکی کارکن کے اقامہ نمبر معلوم کرنے کے طریقہ کار کے حوالے سے وضاحت جاری کی گئی ہے۔

جوازات نے اپنے ایکس اکاؤنٹ پر بتایا کہ آجر ابشر بزنس یا مقیم پورٹل کے ذریعے غیرملکی کارکن کی تمام معلومات حاصل کر سکتا ہے۔

یہ وضاحت ایک صارف کے اس سوال کے جواب میں دی گئی کہ نئے مقیم کے لیے اقامہ نمبر کیسے معلوم کیا جائے۔

تغریر ایکس پر دیکھیں

حدود نمبر والے کارکن کی خدمت کی منتقلی

اس سے قبل جوازات نے اس عمل کی وضاحت کی تھی جس کے تحت حدود نمبر رکھنے والے کارکن کی خدمات منتقل کی جاتی ہیں۔ یہ وضاحت اس سوال کے جواب میں آئی کہ کسی کارکن کی منتقلی اور اقامہ نمبر حاصل کرنے کا طریقہ کیا ہے۔

جوازات نے ایکس اکاؤنٹ پر بتایا کہ اس عمل میں جوازات کا کردار وزارت افرادی قوت و سماجی بہبود اور وزارت داخلہ کی منظوریوں کے بعد شروع ہوتا ہے۔ منظوریوں کے بعد آجر آن لائن طریقے سے کارروائی مکمل کر سکتا ہے۔

محکمہ نے مزید بتایا کہ یہ سروس آجر کے لیے ابشر بزنس یا مقیم پورٹل کے ذریعے فراہم کی جاتی ہے، بشرطیکہ تمام مطلوبہ منظوریوں کا حصول مکمل ہو چکا ہو۔