سعودی پاسپورٹ کی تجدید کے لیے شرائط جاری

سعودی عرب میں محکمہ پاسپورٹ نے واضح کیا ہے کہ شہری اپنے پاسپورٹ کی تجدید وزارت داخلہ کے پلیٹ فارم 'ابشر' کے ذریعے الیکٹرانک طور پر کر سکتے ہیں، بشرطیکہ موجودہ پاسپورٹ کی میعاد ختم ہونے میں 6 ماہ باقی ہوں۔

محکمہ پاسپورٹ نے اپنے سرکاری ایکس اکاؤنٹ پر شہریوں اور ان کے اہل خانہ کو ہدایت کی ہے کہ سعودی پاسپورٹ کی تجدید کے لیے مقررہ شرائط و ضوابط کی پابندی کریں۔

منصہ ایکس پر اصل پوسٹ دیکھیں

سفر کے لیے پاسپورٹ کی میعاد کی شرط

محکمہ پاسپورٹ نے بتایا کہ عرب ممالک کے لیے سفر کرنے والے شہریوں کے پاسپورٹ کی میعاد ختم ہونے میں کم از کم 3 ماہ باقی ہونا ضروری ہے، جبکہ دیگر ممالک کے لیے یہ مدت 6 ماہ ہے۔ ساتھ ہی سفر سے قبل مطلوبہ ملک کی شرائط معلوم کرنا بھی ضروری ہے۔

مزید بتایا گیا کہ فیملی رجسٹریشن کارڈ (سجل الأسرة) کو سفری دستاویز نہیں مانا جاتا، اور نہ ہی 'ابشر' یا 'توکلنا' پر موجود ڈیجیٹل قومی شناختی کارڈ کے ذریعے بیرون ملک سفر کیا جا سکتا ہے۔

محکمہ پاسپورٹ نے زور دیا کہ خلیجی ممالک کے سفر کے لیے کارآمد پاسپورٹ یا قومی شناختی کارڈ ساتھ رکھنا ضروری ہے اور صرف منظور شدہ سفری دستاویزات ہی استعمال کی جائیں۔