رابطة العالم اسلامی کی غزہ میں اسرائیلی خلاف ورزیوں کی شدید مذمت

رابطة العالم اسلامی نے غزہ میں اسرائیلی خلاف ورزیوں اور شہریوں، اہم تنصیبات اور شہری انفراسٹرکچر کو مسلسل نشانہ بنانے کی شدید مذمت کی ہے۔

رابطة کی جنرل سیکریٹریٹ کے بیان میں، سیکریٹری جنرل اور علماء کونسل کے سربراہ، فضیلة الشیخ ڈاکٹر محمد بن عبد الکریم العیسی نے غزہ اور تمام مقبوضہ فلسطینی علاقوں میں اسرائیلی خلاف ورزیوں کو مسترد اور قابل مذمت قرار دیا، جو تمام مذہبی اقدار، بین الاقوامی قوانین و روایات اور انسانی اصولوں کی کھلی خلاف ورزی ہیں اور امن کی تمام کوششوں کو نقصان پہنچاتی ہیں۔ انہوں نے اس حوالے سے سعودی عرب، اردن، متحدہ عرب امارات، قطر، انڈونیشیا، پاکستان، مصر اور ترکی کے وزرائے خارجہ کے بیان کی بھرپور تائید اور اس کے مندرجات کو سراہا، جس میں ان خلاف ورزیوں کی روک تھام اور فلسطینی عوام و ان کے جائز حقوق کے تحفظ پر زور دیا گیا ہے۔

انہوں نے اس بات پر زور دیا کہ عالمی برادری کو چاہیے کہ وہ مقبوضہ فلسطینی علاقوں میں اسرائیلی خلاف ورزیوں کے فوری خاتمے کے لیے اپنی اخلاقی اور قانونی ذمہ داریاں پوری کرے۔