سعودی عرب میں بچوں کی پیدائش کا اندراج ابشر کے ذریعے

سعودی عرب میں محکمہ احوالِ مدنیہ نے بچوں کی پیدائش کے اندراج کی آن لائن سروس کی تفصیلات جاری کی ہیں، جس کے تحت والدین ابشر پلیٹ فارم کے ذریعے پیدائش کی اطلاع اور اس سے متعلقہ سرکاری دستاویزات بآسانی حاصل کر سکتے ہیں۔

محکمہ نے اپنے سرکاری ایکس اکاؤنٹ پر بتایا کہ اس سروس کے ذریعے والدین پیدائش کا اندراج، پیدائش سرٹیفکیٹ اور فیملی رجسٹر حاصل کرنے کے ساتھ ساتھ دستاویزات کی قومی پتے پر ترسیل کی درخواست بھی دے سکتے ہیں۔

ابشر کے ذریعے بچے کی پیدائش کا اندراج کیسے کریں

محکمہ نے وضاحت کی کہ اس سروس سے استفادہ کے لیے درج ذیل الیکٹرانک اقدامات کرنا ہوں گے:

• ابشر پلیٹ فارم پر لاگ ان کریں۔

• "خدماتی" کا انتخاب کریں۔

• "خدمات" پر کلک کریں۔

• "احوالِ مدنیہ" منتخب کریں۔

• "سجل الموالید" سروس میں داخل ہوں۔

• سروس کی شرائط پڑھیں، پھر آگے بڑھیں اور درخواست کا عمل مکمل کریں۔

ایکس پر اصل پوسٹ دیکھیں

یہ سہولت محکمہ احوالِ مدنیہ کی جانب سے فراہم کی جانے والی ان الیکٹرانک خدمات میں شامل ہے جن کا مقصد پیدائش کے اندراج اور سرکاری دستاویزات کے اجرا کے عمل کو آسان بنانا ہے، تاکہ شہریوں کو دفاتر کے چکر نہ لگانے پڑیں۔ اس کے لیے مخصوص شرائط اور طریقہ کار پر عمل کرنا ضروری ہے۔