شناختی کارڈ بیرون ملک گم ہونے پر کیا کریں؟

وزارت داخلہ کے ذیلی ادارے احوالِ مدنیہ نے اپنے سرکاری ایکس اکاؤنٹ پر وضاحت کی ہے کہ اگر کسی شہری کا قومی شناختی کارڈ بیرون ملک گم ہو جائے اور اسے کافی عرصے بعد اس کا علم ہو تو اس صورت میں کیا طریقہ کار اختیار کیا جائے۔

محکمہ احوالِ مدنیہ کے مطابق، شناختی کارڈ گم ہونے کی صورت میں ابشر پلیٹ فارم پر اپنے اکاؤنٹ کے ذریعے رپورٹ درج کر کے مطلوبہ کارروائی مکمل کی جا سکتی ہے اور نیا کارڈ (بدل مفقود) جاری کرایا جا سکتا ہے۔

ادارے نے مزید بتایا کہ اس سروس کے ذریعے شہری ابشر پلیٹ فارم پر گمشدگی کی اطلاع دے کر نیا شناختی کارڈ حاصل کر سکتے ہیں، اور یہ کارڈ براہ راست قومی پتے پر بھیجا جا سکتا ہے۔ اس کے لیے دفاتر جانے کی ضرورت نہیں۔

ایکس پر اصل پوسٹ دیکھیں

نیا شناختی کارڈ حاصل کرنے کے مراحل

محکمہ احوالِ مدنیہ کے مطابق، یہ سروس ابشر پلیٹ فارم پر درج ذیل مراحل کے ذریعے مکمل کی جا سکتی ہے:

• ابشر پلیٹ فارم پر لاگ ان کریں۔

• 'خدماتی' ٹیب سے 'خدمات' منتخب کریں۔

• 'احوال مدنیہ' منتخب کریں۔

• 'قومی شناختی کارڈ کی خدمات' منتخب کریں۔

• 'نیا شناختی کارڈ (بدل مفقود) جاری کریں' کا انتخاب کریں۔

یہ سہولت احوالِ مدنیہ کی جانب سے شہریوں کو سرکاری دستاویزات کے اجرا کے لیے دفاتر جانے کے بغیر آن لائن خدمات فراہم کرنے کے لیے متعارف کرائی گئی ہے، جس میں دستاویز کی قومی پتے پر ترسیل کی سہولت بھی شامل ہے۔