سعودی عرب میں پانچ روز تک بارشوں کی پیش گوئی

قومی مرکز برائے موسمیات نے اعلان کیا ہے کہ سعودی عرب کے کئی علاقوں میں گرج چمک کے ساتھ بارشوں کا سلسلہ آج پیر سے آئندہ جمعہ تک جاری رہنے کا امکان ہے، جبکہ مختلف علاقوں میں بارش کی شدت مختلف ہوگی۔

مرکز نے اپنے سرکاری ایکس اکاؤنٹ پر بتایا کہ جازان، عسیر، باحہ اور مکہ مکرمہ کے پہاڑی علاقوں میں درمیانے سے لے کر تیز بارشوں کا امکان ہے۔

اعرض التغريدة على منصة X

بدھ کو جازان اور عسیر میں تیز بارشیں متوقع

قومی مرکز برائے موسمیات کے مطابق بدھ کے روز جازان اور عسیر کے بعض حصوں میں بارش کی شدت میں اضافہ متوقع ہے، جبکہ نجران میں ہلکی سے درمیانی بارشیں ہوں گی۔

مرکز نے شہریوں اور مقیمین کو ہدایت کی ہے کہ وہ موسمی صورتحال سے متعلق تازہ ترین رپورٹس اور انتباہات کے لیے اس کی ویب سائٹ اور سرکاری ذرائع پر نظر رکھیں اور متعلقہ ہدایات پر عمل کریں۔