پاسپورٹ کی مدت میں 5 سال کا اضافہ ممکن نہیں: جوازات

سعودی عرب کی المدیریہ العامة للجوازات نے وضاحت کی ہے کہ پاسپورٹ کی مدت میں تجدید کے بعد کسی قسم کی ترمیم یا اضافہ ممکن نہیں۔ یہ وضاحت جوازات کے ایک فالوور کے سوال کے جواب میں دی گئی، جو جوازات کے سرکاری ایکس اکاؤنٹ پر پوچھا گیا تھا۔

ایک صارف نے سوال کیا: "میرے پاس پانچ سال کے لیے تجدید شدہ پاسپورٹ ہے، کیا میں اس میں مزید پانچ سال کا اضافہ کر کے اسے دس سال کا کر سکتا ہوں؟"

اس پر جوازات نے جواب دیا کہ ایک بار درخواست مکمل ہونے کے بعد اس میں کسی قسم کی ترمیم ممکن نہیں ہوتی۔

یہ وضاحت جوازات کی جانب سے شہریوں اور مستفیدین کے پاسپورٹ سے متعلق سوالات اور خدمات کے جواب میں سامنے آئی ہے۔

ایکس پر اصل پوسٹ دیکھیں

سعودی پاسپورٹ کا اجرا

جوازات نے یہ بھی بتایا کہ 21 سال سے کم عمر اہل خانہ کے افراد کے لیے سعودی پاسپورٹ کا اجرا ابشر پلیٹ فارم کے ذریعے ممکن ہے۔

جوازات کے مطابق، شہری ابشر میں لاگ ان کر کے 'خدمات افراد خانہ' منتخب کریں، اس کے بعد 'افراد اور اہل خانہ کے لیے سعودی پاسپورٹ کی خدمات' کا انتخاب کریں اور اس سہولت سے فائدہ اٹھا سکتے ہیں۔